باب سیز دھم قراردادیں
باب سیزدهم
قرار داد یں
قرارداد پیش کر نے کا حق:
۱۰۲۔ قواعد ہذا کے احکام کے تابع کو ئی بھی رکن مفاد عامہ کے حامل کسی معاملہ کے بارےمیں قرارداد پیش کرنےکا مجاز ہوگا ۔
قرارداد کا نوٹس:
۱۰۳۔ (۱) اگر کوئی رکن قرارداد پیش کرنا چاہے تو وہ اپنے اس ارادے کے بارےمیں تین دن کا نو ٹس دے گا ۔
(۲) کو ئی وزیر جو قرار داد پیش کرنے کا خواہشمند ہو وہ اپنے اس ارادے کے بارےمیں تین دن کا نو ٹس دے گا ۔
(۳) ذیلی قاعدہ (۱) اور ذیلی قاعدہ (۲)کے تحت نوٹس کے ساتھ پیش کی جانے والی قراردادکی ایک نقل منسلک ہو گی۔
قرارداد کا نمونہ اور مندرجات:
۱۰۴۔ قرارداد پیش کرنے کی تحریک کا حق ان شرائط کے تابع ہو گا۔
(۱) قرارداد اسمبلی کی رائے کے اظہار کے پیرائے میں پیش کی جائے گی۔
(۲) قرار داد ایسے معاملے سے متعلق ہو جو حکومت سے تعلق رکھے ۔ مگر شرط یہ ہے کہ کوئی ایسی قرارداد پیش کی جا سکے گی جس کے ذریعے حکومت سے سفارش کرنا مطلوب ہو کہ وہ کسی ایسے معاملے کے سلسلے میں جس کا تعلق حکومت سے نہ ہو ، مرکزی حکومت سے رجوع کرے۔
(۳) قرار داد واضح اور مختصر الفاظ میں بیان کی جائے گی اور اس میں ایک واضح مسئلہ پیش کیا جائے گا۔
(۴) اس میں دلائل ، استنباط، طنزیہ فقرے یا ہتک آمیز بیانات شامل نہ ہو ں گے ۔ نہ ہی کسی شخص کے طرز عمل یا کردار کے ان پہلوؤں کا ذکر ہو گا جن کا اس شخص کی سرکاری یا عوامی حیثیت سے تعلق نہ ہو ۔
(۵) یہ کسی ایسے معاملہ کے متعلق نہ ہو گی جو کسی ایسی قانونی عدالت کے زیر سماعت ہو جسے پاکستان کے کسی حصےّ میں اختیار سماعت ہو ۔
(۶) اس میں صدر مملکت ، گورنر یا عدالت عظمیٰ یا عدالت عالیہ کے کسی جج پر تنقید نہ کی گئی ہو۔
(۷) کسی ایسے معاملے کو زیر بحث لانے کی اجازت نہیں دی جائے گی جو عدالتی یا نیم عدالتی فرائض انجام دینے والی ازروئے قانون قائم شدہ کسی ٹریبونل یا ھیئیت حاکمہ کے روبرو یا کسی کمیشن یا تحقیقاتی عدالت جو کسی معاملہ کی تحقیقات یا تفتیش کے لئے مقرر کی گئی ہو ، میں زیر التواء ہو یا کو ئی ایسا معاملہ جس کے با رےمیں کسی وزیر نے یہ اعتراض کیا ہو کہ اس پر بحث مفاد عامہ میں نہ ہو گی۔
قرارداد پیش کرنے کی اجازت:
۱۰۵۔ اسپیکر کسی ایسی قرارداد یا اس کے کسی حصہّ کو پیش کرنے کی اجازت نہیں دے گا جو اس کی را ئے میں قواعد ہذا کے منشاء کے مطابق نہ ہو یا اس کا زیر بحث لانا مفاد عامہ کے منافی ہو ۔ چنانچہ وہ قرارداد یا اس کا کو ئی حصہ ّ جس کے پیش کرنے کی اجازت نہ دی گئی ہو ، فہرست کارروائی میں شامل نہیں کیا جا ئے گا۔
قرارداد پیش کرنا اور واپس لینا :
۱۰۶۔ (۱) وہ رکن جس کے نام پر کو ئی قرارداد فہرست کارروائی میں درج ہو جب اسےکہا جا ئے تو اس صورت میں یا تو وہ :
(الف) قرارداد پیش کرنے سے انکار کر دے گا اور اس صورت میں وہ اپنے بیان کو بیان کی خواہش تک محدود رکھے گا ، یا
(ب) قرارداد کو پیش کرے گا اور اس صورت میں اپنی تقریر کا آغاز قرار داد کامتن پڑھ کر کرے گا جیسا فہرست کارروا ئی میں درج ہو گا۔
(۲) کو ئی رکن اسپیکر کی اجازت سے کسی دوسرے رکن کو اپنی طرف سے قرارداد پیش کرنے کا اختیار تحریری طور پر دے سکتا ہے اور جس رکن کو یہ اختیار دیا گیا ہو وہ قرارداد پیش کر سکتا ہے۔
قرار داد میں ترمیم:
۱۰۷۔ قرار داد پیش کئے جانے کے بعد کو ئی رکن قواعد ہذا کے تحت اس قرار داد میں ترمیم پیش کر سکتا ہے۔
ترمیم کا نوٹس:
۱۰۸۔ (۱) اگر کسی ترمیم کا نو ٹس قرارداد کی تحریک پیش کئے جانے کے دن سے دو دن پہلے نہ دیا گیا ہوتو کو ئی رکن ترمیم کے پیش کئے جانے پر اعتراض کرسکتا ہے اور ایسا اعتراض قابل پذیرائی ہو گا تاآنکہ اسپیکر اس قاعدے کو معطل نہ کردے اور ترمیم پیش کرنے کی اجازت نہ دے دے ۔
(۲) اگر وقت اجازت دے تو سیکریٹری ہر ترمیم چھپوائے گا اور اس کی ایک نقل ہر رکن کو اس کے استفادہ کے لئے مہیا کر ے گا۔
قرارداد پیش کرنے کے بعداسے واپس لینا :
۱۰۹۔ کو ئی ایسا رکن جس نے کو ئی قرارداد یا اس میں کو ئی ترمیم پیش کی ہو وہ اسمبلی کی اجازت کے بغیر یہ قرارداد یا ترمیم واپس نہیں لے گا۔
تحریک پیش کرنے اور اسے واپس لینے کا اثر:
۱۱۰۔ جب کسی قرارداد کی تحریک پیش کی جاچکی ہو اور اسمبلی نے اس پر اپنا فیصلہ دیدیا ہو یا جب کسی قرارداد کو واپس لے لیا گیا ہو تو کو ئی ایسی قرارداد یا ترمیم اس اجلاس کے دوران پیش نہ ہو سکے گی جس میں فی الواقعہ وہی سوال اٹھایا گیا ہو ۔
تقاریر کےلئے وقت کی حد:
۱۱۱۔ کو ئی بھی رکن کسی قراردا د کے متعلق تقریر ۱۰منٹ سے زیادہ نہیں کر ےگا مگر قرارداد کا محرک یا متعلقہ وزیر ۳۰ منٹ تک تقریر کرنے کا مجاز ہو گا۔
بحث کا دا ئرہ:
۱۱۲۔ کسی قرارداد پر بحث قطعی طو ر پر اس قرارداد کے نفس ِمضمون تک ہی محدود رکھی جا ئے گی۔
قرارداد کی نقل محکمہ متعلقہ کو ارسال کرنا:
۱۱۳۔ ہر اس قرارداد کی ایک نقل جسے اسمبلی نے منظور کیا ہو متعلقہ محکمہ کو ارسال کی جائے گی۔