باب ھفتم سوالات
باب ہفتم
سوالات
سوالات کا نفس مضمون
۴۰۔ کو ئی بھی رکن عوامی نوعیت کے کسی ایسے معاملہ پر معلومات حاصل کرنے کے لئے سوال دریافت کر سکتا ہے جو اس وزیر کے خاص دائرہ اختیار میں ہو جسے اس میں مخاطب کیا گیا ہو ۔
سوالات کا وقت
۴۱۔ ماسوائے اس صورت کے کہ قواعد ہذا میں بہ نہج دیگر اہتمام کیا گیا ہو تلاوت قرآن پاک،نعت شریف نیز ارکان اگر کوئی ہوں کے حلف اٹھانے کے بعد ہر نشست کا پہلا گھنٹہ سوالات دریافت کرنے اور ان کے جوابات دینے کے لئے وقف ہو گا لیکن اگر اجلاس کارروائی والے دن کے بجائے کسی اور دن ہو رہا ہو تو وقفہ سوالات نہیں ہوگا۔
سوالات کے لئے نوٹس
۴۲۔ کسی سوال کے لئے ۱۵ دن سے کم عرصہ کے لئے نوٹس نہیں دیا جائے گا تاآنکہ اسپیکر متعلقہ وزیر کی رضامندی سے کمتر نوٹس پر کو ئی سوال دریافت کرنے کی اجازت نہ دے دے ۔
قلیل المہلت سوالات
۴۳۔ (۱) قلیل المہلت سوال کا جواب بالعموم وقفہ سوا لات کے اختتام پر دیا جا ئے گا ۔
(۲) ایک دن میں ایک سے زیادہ قلیل المہلت سوال نہیں دریافت کئے جا ئیں گے ۔
(۳) کسی ایسے سوال جس کا نو ٹس دیا جاچکا ہو کی سبقت میں قلیل المہلت سوال نہیں پو چھا جائے گا ۔
سوالات کے نوٹس کی عبارت
۴۴۔ (۱) سوالات کا نوٹس سیکریٹری کو تحریری طور پر دیا جا ئے گا جس میں جواب دینے والے وزیر کو اس کے سرکاری عہدے سے مخاطب کیا جا ئے گا ۔
(۲) جس سوال کا زبانی جواب مطلوب ہو اسے ستارہ زد کر کے ممّیز کیا جا ئے گا ۔
(۳) اگر اسپیکر کی نظر میں زبانی جواب مطلوب سوال کا تحریری جواب مناسب رہےگا تو وہ اس امر کی ہدایت دے گا کہ ایسے سوالات تحریر ی جوابات کے سوالات کی فہرست میں شامل کئے جا ئیں ۔
سوالا ت کی اجازت کے نوٹس
۴۵۔ کو ئی سوال بغرض جواب سوالات کی فہرست میں درج نہیں کیا جا ئے گا جب تک اس دن سے مکمل دس دن نہ گزر چکے ہو ں جس دن سیکریٹر ی نے اسپیکر کی طرف سے سوال کی اجازت وزیر کے علم میں نہ لا ئی ہو ۔
کسی ایک دن دریافت کئے جا نے والے سوالات کی تعداد
۴۶۔ (۱) کسی ایک دن کی فہرست سوالات میں ایک ہی رکن کے پانچ سے زیادہ نشان زدہ سوالات اور پانچ سے زیادہ غیر نشان زدہ سوالات ، شامل نہیں کئے جا ئیں گے ۔
(۲) سوالات کو فہرست سوالات میں اس ترتیب سے شامل کیا جائے گا جس ترتیب سے ان کے نو ٹس موصول ہو ئے ہو ں۔
(۳) کو ئی رکن اس نشست سے پہلے جس کے لئے اس کے سوالات فہرست میں شامل کئے گئے ہو ں کسی وقت بھی بذریعہ تحریری نو ٹس اپنا سوال واپس لے سکتا ہے۔
سوالات کے لئے دنو ں کا تعین
۴۷۔ سوالات کا جواب دینے کے لئے اسپیکر وقت کو مختلف دنو ں پر باری باری حکومت کے ایسے محکمہ یا محکمہ جات کے متعلق سوالات کے جوابات کے لئے متعین کرے گا جس کی اس نے تصریح کی ہو ۔
ایسے سوالات جن کے جوابات زبانی نہ دیئے گئے ہوں ان کے تحریری جوابات دئیے جائینگے
۴۸۔ (۱) اگر کوئی سوال کسی دن کی فہرست سوالات میں رکھا جا ئے اور اس دن جواب کے لئے مقرر ہ وقت میں دریافت نہ کیا جا ئے تو متعلقہ وزیر اس کا تحریری جواب اسمبلی کی میز پر رکھیں گے ۔
(۲) اگر متعلقہ وزیر اس سوال کے جواب کے لئے تیار نہ ہو تو اس سوال کو اس محکمہ کے لئے اگلے متعینہ دن پر برائے جواب رکھا جائے گا ۔
سوالات کا قابل اجازت ہو نا
۴۹۔ کسی سوال کے قابل اجازت ہو نے کےلئے ضروری ہے کہ وہ مندرجہ ذیل شرائط پو ری کرے ۔
(۱) اس میں کو ئی ایسا بیان یا نام شامل نہ ہو سوائے سوال کو قابل فہم بنانے والے کسی ضروری امر کے۔
(۲) اس میں کو ئی ایسا بیان یانام شامل نہ ہو جس کی صداقت کی ضمانت متعلقہ رکن نہ دے۔
(۳) اس میں دلائل ، استبناط،طنزیہ فقرے ، الزامات ، القاب یا ہتک آمیز بیانات شامل نہ ہو ں۔
(۴) اس میں کسی قانونی مسئلہ یا مفروضاتی نکتہ کے بارے میں اظہار رائے یا اس کا حل دریافت نہ کیا گیا ہو ۔
(۵) اس میں نہ تو کسی شخص کے کردار یا طرز عمل کے با رے میں ماسوائے اس صورت کے جو اس کی سرکاری یا عوامی حیثیت سے متعلق ہو ، کو ئی حوالہ نہیں دیا جائے گا اور نہ ہی اس میں کسی شحض کے کردار یا طرز عمل کے ایسے پہلو کا حوالہ دیا جا ئے گا جس پر صرف با ضابطہ تحریک کے ذریعے بحث کی جا سکتی ہے ۔
(۶) یہ زیادہ طو یل نہ ہو ۔
(۷) اس کاتعلق ایسے امور سے نہ ہو جن سے صوبا ئی حکومت کو اصلاً کو ئی سروکار نہ ہو ۔
(۸) اس میں ایسے امور کے با رے میں معلومات دریافت نہیں کی جائیں گی جو ایسے اداروں یا افراد کے زیر انتظام ہو ں جو ابتدا ئی طور پر صوبائی حکومت کے سامنے اصلًا جوابدہ نہ ہوں ما سوائے اس کے کہ صوبا ئی حکومت کا مالی مفاد ایسے اداروں یا اشخاص سے وابستہ ہو۔
(۹) اس میں کسی ایسے معاملہ کے با رے میں معلومات حاصل نہیں کی جا ئیگی جو کہ اسمبلی کی کسی مجلس کے زیر غور ہو یا اس کا تعلق ایسی مجلس کی کارروائی سے ہو قبل اس کے کہ مجلس کی رپورٹ اسمبلی میں پیش نہ کردی جا ئے۔
(۱۰) اس سے کسی کے ذاتی کردار پر بالواسطہ یا بلاواسطہ الزام لگانا مقصود نہ ہو ۔
(۱۱) اس میں پالیسی سے متعلق ایسے مسائل نہیں اٹھائے جا ئیں گے جو اتنے وسیع ہو ں کہ سوال کے جواب کی حدود میں نہ سما سکیں ۔
(۱۲) اس میں ایسے سوالات فی نفسہ نہ دہرا ئے جا ئیں جن کا جواب پیشتر ازیں دیا جا چکا ہو۔
(۱۳) سوال گھٹیا ، دل آزار، مبہم اور بےمعنی نہ ہوں ۔
(۱۴) اس کے ذریعے کو ئی ایسی معلوما ت طلب نہ کی جا ئیں جو ایسی دستاویزات میں موجود ہوں جن تک عوام کی رسائی ہو یا جو عام کتب کے حوالہ جات میں موجود ہوں۔
(۱۵) اس میں اخبارات کے نام لے کر حوالے نہیں دئیے جا ئیں گے اور نہ ہی یہ استفسار کیا جائے گا کہ آیا اخبارات میں یا پرائیويٹ اشخاص یا غیر سرکاری اداروں کی جانب سے دیئے گئے بیانات درست ہیں۔
(۱۶) اس سے کا بینہ کی بحث یا گورنر کو دیئے گئے کسی مشورہ یا کسی ایسے امر کے با رےمیں معلومات حاصل نہیں کی جا ئیں گی جس سے متعلق معلومات فاش کرنا ازروئے آئین یا قانون ممنوع ہو ۔
(۱۷) اس میں گورنر یا عدالت عظمیٰ یا عدالت عالیہ کے ججوں کے طرز عمل پر کوئی حرف گیری نہ کی گئی ہو۔
(۱۸) اسمبلی میں اسمبلی کے فیصلوں پر تنقید نہ کی گئی ہو۔
(۱۹) اس میں ایسے معاملات سے متعلق معلومات طلب نہ کی گئی ہوں جو ہر اعتبار سے خفیہ ہوں۔
(۲۰) اس میں پاکستان میں قا ئم شدہ کسی عدالت قانون یا قانون کی رو سے قائم شدہ ٹریبونل کے فیصلے پر کو ئی اعتراض نہ کیا گیا ہو یا ایسے کلمات نہ ہوں جن سے کسی زیر سماعت معاملہ پر مضر اثرات پڑنے کا احتمال ہو۔
(۲۱) کسی غیر ملک کے بارے میں نا شائستہ کلمات موجود ہو ں۔
اسمبلی سیکریٹریٹ سے متعلق سوالات
۵۰۔ اسمبلی سیکریٹریٹ سے متعلق سوالات اسپیکر سے رابطہ قائم کر کے دریافت کیے جا سکتے ہیں ۔
سوالات کے قابل اجازت ہونے کا فیصلہ اسپیکر کرے گا ۔
۵۱۔ نوٹس وصول ہونے کے پانچ دن کے اندر اسپیکر سوال کے قابل اجازت ہو نے کے بارےمیں فیصلہ کرے گا لیکن سوال کو ترمیمی شکل دے کر شامل کیا جا ئے گا۔
سوالات کی فہرست
۵۲۔ قابل قبول سوالات اس دن کے سوالات کی فہر ست میں معہ جوابات کے شامل کردیئے جا ئیں گے جو اسمبلی سیکریٹریٹ میں اس دن سے کم از کم دو دن پہلے موصول ہوں جس دن ان کا جواب دیا جانا ہو ۔
سوالات دریافت کرنے کا طریقہء کار
۵۳۔ (۱) وقفہ سوالات شروع ہو نے پر اسپیکر از روئےترتیب ارکان کے نام یکے بعد دیگرے پکارے گا جن کے نام پر فہرست سوال میں نشان زدہ سوال درج ہو گا تاوقتیکہ اسمبلی کی اجازت سے ترتیب تبدیل نہ کر دی جا ئے۔
(۲) اس طرح پکارا گیا رکن اپنی جگہ کھڑا ہو گا اور جب تک وہ یہ نہ کہے کہ وہ اپنے نام پر درج سوالات پو چھنے کا ارادہ نہیں رکھتا وہ فہرست سوالات کے سلسلہ وار نمبر کے حوالہ سے اپنا سوال پوچھے گا ۔
(۳) اگر کو ئی رکن جس کے نام پر سوال درج ہے غیر حاضر ہو تو اسپیکر مجاز ہے کہ کسی دوسرے رکن کی درخواست پر اس کا جواب دینے کی ہدایت کرے۔
ضمنی سوالات
۵۴۔ جب کسی نشان زدہ سوال کا جواب دیا جاچکا ہو تو کو ئی رکن ایسے ضمنی سوالات دریافت کرسکتا ہے جو جواب کی وضاحت کے لئےضروری ہوں لیکن اسپیکر کسی ایسے ضمنی سوال کو مسترد کرسکتا ہے جو اس کی رائے میں قواعد ہذا کی کسی تصریح کے منافی ہو ۔