گورنر
صوبے کے گورنر کو یہ اختیار حاصل ہے کہ وہ سرحد اسمبلی کو تحلیل کرسکتا ہے اگر وزیراعلی کی طرف سے بھی یہی ہدایت ہوـ
سرحد اسمبلی کا منظور کردہ مسودہ قانون صرف گورنر کی منظوری کے بعد ہی قانون بن سکتا ہےـ اگرچہ ضابطے کے مطابق صوبے کے مختاراعلی کی حیثیت سے گورنر کو مخاطب کیا جاتا ہےـ لیکن عملا وزیراعلی اور اس کی کابینہ کی حیثیت مختار کل ہےـ
اسپیکر
اسمبلی کے ممبران کی رائے شماری سے اسپیکر کا انتخاب عمل میں آتا ہےـ اسمبلی کا اسپیکر ایوان کے نمائندگان کے حقوق و اختیارات کے ضمن میں غیر جانبدار منصف ہونے کے ساتھ اسمبلی میں مرکزی حیثیت رکھتا ہےـ اگرچہ اس کی سیاسی وابستگی کسی ایک سیاسی جماعت سے ہوتی ہے تاہم اس سے توقع کی جاتی ہے کہ وہ اسمبلی کی کاروائی ایک غیر جانبدار منصف کی حیثیت سے دیانت داری سے انجام دے گا ، نیز جمہوری طرز عمل کی پاسداری کرتے ہوئے حزب اقتدار اور حزب مخالف کے وزراء سے یکساں برتاؤ کرے گاـ
اسپیکر کے عہدے کی جمہوری روایات
اسپیکر کا عہدہ جمہوری روایات کے تسلسل کی ایک عمدہ مثال ہےـ جب اسپیکر ایوان میں داخل ہوتا ہے تو اس کے پیچھے ایک عصابردار ملازم بھی ساتھ چلتا ہے جس کے ہاتھوں میں تھامی عصا اسپیکر کے منصب کی علامت ہےـ اسپیکر کی آمد کے ساتھ تمام اسمبلی ممبران احتراما کھڑے ہوجاتے ہیںـ
منصبی فرائض اور اختیارات
- پارلیمنٹ سے کون خطاب کرے گا اس کا فیصلہ اسپیکر کرتا ہےـ اس کے علاوہ کوئی اور طریقہ قابل قبول یا رائج نہیں ، جو ممبران کچھ کہنا چاہتے ہیں اسپیکر ان کی جانب متوجہ ہو کر ان سے کسی ایک بولنے کی اجازت دیتا ہےـ اس طرح اسپیکر باری باری مختلف سیاسی جماعتوں کے ممبران کو باری باری بولنے کا موقع دیتا ہے تاکہ وہ ایوان کے سامنے اپنی رائے کا کھل کر اظہار کر سکیںـ سب کو سننے کے بعد وہ صرف ان ممبران کو فوقیت دیتا ہے جو زیر بحث موضوع یا معاملے پر خصوصی معلومات رکھتے ہیںـ
- اسپیکر قائدے کے مطابق ان کے وضاحت اور قواعدوضوابط کا اطلاق کرتا ہےـ اسپیکر کی طرف سے جاری کیے جانے والے احکامات ، پارلیمینٹ کے اسٹینڈنگ آرڈرز کہلاتے ہیں اسپیکر کا فیصلہ حتمی ہوتا ہے ـ اس پر اعتراض صرف میزیں بجا کر کیا جاسکتا ہے یہ صورتحال کم ہی پیش آتی ہےـ جب کسی ممبر کی طرف سے نکتہ اعتراض اٹھایا جاتا ہے تو اسپیکر اسے بولنے کا موقع دیتا ہےـ ایک سے زائد اعتراضات کی صورت میں اسپیکر کوئی نیا فیصلہ دینے کا مختار ہےـ
- اسپیکر اس بات کو یقینی بناتا ہے کہ عام بحث کے دوران مہزب طریق پر کی جائے اور شائستہ طرز عمل کو روا رکھا جائے ـ نیز وہ ایوان میں تحاریک ، سوالات اور نتائج کا اعلان کرتا ہے اس بات کا فیصلہ بھی اسپیکر ہی کرتا ہے کہ کونسے سوالات کو فوقیت دی جائے اور وزراء کے سامنے پیش کیا جائے یا کونسی ترمیم ایوان میں پیش کی جائے اور جب وہ یہ سمجھتا ہے کہ کسی موضوع پر ایوان میں خاطر خواہ بحث ہوچکی اور اقلیتوں کو اپنی آراء کے اظہار کا بھرپور موقع اور وقت دیا گیا تب وہ سابقہ یا بقیہ سوالات کو ایوان کے سامنے پیش نہیں کرتاـ
- اگر کسی معاملے میں برابری کی صورت پیش آجائے ، تو اسپیکر اپنا ووٹ استعمال کرسکتا ہے تاہم بعدازاں اسپیکر مقررہ اصولوں کے مطابق کاروائی کرتا ہےـ عملا اسپیکر توازن کو برقرار رکھنے کے لیے ہی ووٹ ڈالتا ہےـ
ڈپٹی اسپیکر
اسپیکر کے انتخابات کے بعد نئی اسمبلی اپنا ڈپٹی اسپیکر مقرر کرتی ہے جو اسپیکر کی غیر موجودگی میں ایوان کی صدارت کرتا ہےـ ڈپٹی اسپیکر بھی اسپیکر کی طرح اختیارات رکھنے کے ساتھ منصبی امور انجام دیتا ہےـ
قائد حزب اختلاف
جمہوری عمل میں اسمبلی کے اندر حزب اختلاف کا کردار نہایت اہم ہےـ حزب اختلاف کے ممبران ، حکمران جماعت سے اختلاف راۓ کے باوجود اس بات کے پابند ہیں کہ وہ آئین کے تحت کیے جانے والے حکومتی اقدامات کی حمایت کریںـ اسمبلی میں حزب اختلاف کے نقطہء نظر کی وضاحت اور اسے مرکزی سطح پیش کرنے والا منتخب ممبر اس ایوان کا قائد حزب اختلاف کہلاتا ہےـ اسمبلی کی انضباط کاروائی میں قائد حزب اختلاف کے انتخاب اور اختیارات و فرائض کے کسی طے شدہ طریقہ کار کی وضاحت موجود نہیںـ لیکن وقت گزرنے کے ساتھ حزب اختلاف کے لیے درج ذیل فرائض منصبی تسلیم کرلیے گۓ اور اب یہ اسمبلی کی کاروائی کا لازمی حصہ بن چکے ہیںـ قائد حزب اختلاف کو صوبائی وزیر کے مساوی استحقاق فراہم کیا گیا ہےـ
فرائض منصبی
اسمبلی میں حزب اختلاف کے فرائض منصبی درج ذیل ہیں :
- صوبائی اسمبلی میں کی جانے والی عام بحث میں بھر پور حصہ لیناـ
- عام شہریوں کے حقوق سے متصادم حکومت کی پالیسیوں سے اختلاف کرن-ا
- حقائق اور دلائل پیش کر کے عوام کے حق میں بہتر نظر نہ آنے والی حکومت کی پالیسیوں میں ردّوبدل کرواناـ
- حکومت کے غلط اقدامات کو روکنے کے لیے اسمبلی میں صداۓ احتجاج بلند کرکے عوام کے لیے ایک پلیٹ فارم مہیا کرناـ
- راۓ عامہ کے مفاد میں متبادل لائحہ عمل اور پالیسیاں تجویز کرنا-
- قانون سازی کے وقت دباؤ ڈال کر قوانین میں ترامیم کروانا-
- حزب اختلاف کا سب سے اہم کام حکومت کی پالیسیوں پر نظر رکھنا اور جوابی بحث کے ذریعے اہم پہلوؤں کو اجاگر کرکے پالیسیوں میں بروقت ردّوبدل اور ترامیم کروانا ہےـ حزب اختلاف کی جانب سے پیش کردہ متضاد نکات پر بحث سے منتخب حکومتی پارلیمنٹ کو سوچ کے نئے اور فکر انگیز زاویے ملتے ہیںـ
وزیراعلی
اسپیکر اور ڈپٹی اسپیکر کے انتخاب کے بعد اسمبلی اس وقت تک کام نہیں کرسکتی جب تک کہ وزیراعلی کا انتخاب عمل میں نہ آجاۓ ، صدر کی طرف سے بتاۓ گۓ مخصوص دن گورنر ایک خصوصی اجلاس بلاتا ہی جس میں وزیراعلی منتخب کرلیا جاتا ہےـ منتخب وزیراعلی 60 دن کے اندر اسمبلی سے اعتماد کا ووٹ حاصل کرتا ہےـ
- اسمبلی کے ممبران چاہیں تو اپنی سادہ اکثریت کے ذریعے وزیراعلی کو ہٹانے کے لیے ایک قرارداد منظور کرکے وزیراعلی کے خلاف عدم اعتماد کی تحریک پیش کر سکتے ہیںـ اس مقصد کو بروۓ کار لانے کے لیے سب سے پہلے وہ اسمبلی کے سکریٹری کو نوٹس دیتے ہیںـ اس ضمن میں انہیں اسمبلی کے کل 20 فی صد ممبران کی حمایت درکار ہوتی ہےـ اس قرارداد کے منظور ہونے کے بعد وزیراعلی اپنے منصبی فرائض انجام نہیں دے سکتا ، وزیراعلی اپنا تحریری استعفی گورنر کو پیش کر سکتا ہےـ
- وزراء کی کابینہ کا سربراہ وزیراعلی ہوتا ہے اس کی تشکیل کی بنیادی مقصد گورنر کو اپنے فرائض منصبی کی انجام دہی میں مدد اور مشاورت فراہم کرنا ہےـ صوبے کا گورنر ، وزیراعلی کی ہدایت کے مطابق صوبائی وزراء کی تقرری کرتا ہےـ جو اسمبلی ممبران میں سے منتخب کیے جاتے ہیںـ وزیراعلی کی سفارش پر گورنر کسی بھی وزیر کو اس کے سرکاری عہدے سے ہٹاسکتا ہے-